Կենսաթոշակի և մինչև 2 տարեկան երեխայի խնամքի նպաստի վճարումները ժամանակավորապես կանխիկ չեն վճարվի։ Այս մասին հայտարարություն է տարածել «Հայ Փոստը»։
«Սեպտեմբերի 9-ից ժամը 16:00-ից սկսած «Հայ Փոստը» ժամանակավորապես չի վճարում կանխիկ եղանակով կենսաթոշակի և մինչև 2 տարեկան երեխայի խնամքի նպաստի վճարումները, քանի որ չի ստացել բավարար չափով դրամական միջոցներ ՀՀ աշխատանքի և սոցիալական հարցերի նախարարության միասնական սոցիալական ծառայության կողմից:
Ֆինանսավորումը ստանալուն պես վճարումներն անմիջապես կվերսկսվեն:
Հայցում ենք ձեր ներողամտությունը»։