կարևոր
538 դիտում, 2 շաբաթ առաջ - 2021-09-08 23:54

ՄԻՊ ներկայացուցիչներն այս պահին այցելել են ադրբեջանական գերությունից երեկ ազատ արձակված քաղաքացիներին

ՄԻՊ ներկայացուցիչներն այս պահին այցելել են ադրբեջանական գերությունից երեկ ազատ արձակված քաղաքացիներին

ՀՀ մարդու իրավունքների պաշտպանի հանձնարարությամբ՝ Պաշտպանի ներկայացուցիչներն այս պահին այցելել են ադրբեջանական գերությունից երեկ ազատ արձակված և Հայաստան վերադարձած 2 քաղաքացիներին։ Այս մասին հայտնում են ՀՀ ՄԻՊ Արման Թաթոյանի գրասենյակից։

«Տեղի կունենան առանձնազրույցներ, կուսումնասիրվի առողջական վիճակը:

Այցի արդյունքներով կձեռնարկվեն անհրաժեշտ գործողություններ»։

Հիշեցնենք, որ երեկ վերադարձած 2 գերին հուլիսի 14-ին Սեւ լճի տարածքից անհետացած զինծառայողներն էին:

Արթուր Նալբանդյանի ու վարորդ Արամայիս Տոռոզյանի հետ կապը կորել էր հուլիսի 14-ի լուսադեմին, երբ մառախուղ է եղել, իսկ զինծառայողներն ամրակցված զինվորական ավտոմեքենայով ծառայողական պարտականություններ էին կատարում: