կարևոր
208 դիտում, 1 շաբաթ առաջ - 2021-09-08 14:13

Համայնքների խոշորացման հետևում տեսանելի չէ Հայաստանում տեղական ժողովրդավարության ամրապնդման նպատակը. Էմին Երիցյան

Համայնքների խոշորացման հետևում տեսանելի չէ Հայաստանում տեղական ժողովրդավարության ամրապնդման նպատակը. Էմին Երիցյան

Այսօր կառավարությունն իր նիստում «Վարչատարածքային բաժանման մասին» օրենքում փոփոխությունների նախագիծը կհաստատի, կհամարի անհետաձգելի ու կուղարկի ԱԺ։ Գրել է Հայաստանի համայնքների միության նախագահ Էմին Երիցյանը:

«Այս փոփոխություններն արմատական են՝ նաև անկանխատեսելի հետևանքներով։ Միաժամանակ, այն Հայաստանում ժողովրդավարության ու «նպատակն արդարացնում է միջոցները» սկզբունքներից երկրորդի ընտրություն է նշանակում։

Առանց հանրային կոնսենսուսի, իրավական խոցելի գործընթացը թեսթ է թե՛ իշխանության, թե՛ պառլամենտական ընդդիմության, թե՛ արտախորհրդարանական ուժերի համար։

Ռեգիոնալ էլիտայի քանակական կրճատումը կբերի բևեռացման մեծացման, պետության թուլացման։ Խոշորացման արդյունքում փոքրաթիվ, քաղաքականացված ու կուսակցականացված ՏԻՄ-երի դերն ու կշիռը կբարձրանա։ Բայց և դրանց համար քաղաքական պայքարը կուժեղանա։

Անտագոնիստական ու ագրեսիվ քաղաքական հարաբերությունները կարող են տեղափոխվել ՏԻՄ ընտրական դաշտ, իսկ ընտրություններից հետո նաև կպրոյեկտվի ՏԻՄ-կառավարություն փոխհարաբերությունների վրա։

Այդպիսով, համայնքների խոշորացման հետևում տեսանելի չէ Հայաստանում տեղական ժողովրդավարության կամ ապակենտրոնացման ամրապնդման նպատակը։

Այն չի փաստարկվում նոր լիազորությունների ու ռեսուրսների փոխանցմամբ»։