ուղիղ եթեր փակել
Այս պահին Երևանում
+28°
ощущаетվя как +27°C
բաց երկինք
3 մ/վ քամու ուժգնություն
արևածագ: 06:13
12.08.2022
USD 405.91 -0.18
GBP 492.25 -3.42
EUR 417.56 -2.22
GEL 147.6 -2.87
RUB 6.66 -0.04

Վերջին ավելացված հաղորդումներ

Ամենադիտվածներ

կարևոր
1042 դիտում, 11 ամիս առաջ - 2021-09-06 15:32

Աղթամար կղզու Սուրբ Խաչ հայկական եկեղեցում պատարագ է մատուցվել

Աղթամար կղզու Սուրբ Խաչ հայկական եկեղեցում պատարագ է մատուցվել

Վանի Աղթամար կղզու Սուրբ Խաչ հայկական եկեղեցին, որը Թուրքիայի մշակույթի և զբոսաշրջության նախարարության հատուկ թույլտվությամբ տարվա մեջ միայն մեկ անգամ է պատարագ մատուցում, այս տարի ևս իր դռները բացել է հավատացյալների առաջ։ 

Սեպտեմբերի 5-ի վաղ առավոտից կրոնավորներն ու հյուրերը ուղևորվել են Աղթամար կղզի։  Վանի ոստիկանությունը շրջակայքում և կղզում անվտանգային միջոցներ է ձեռնարկել։

Նոր տիպի կորոնավիրուսի համավարակով պայմանավորված պատարագին մասնակցելու համար կղզի թույլ են տվել այցելել միայն սահամանափակ թվով հրավիրյալների և հավատարմագրված անձանց: Պատարագի ընթացքում՝ ժամը 09:00-ից մինչև 12:00-ն եկեղեցին փակ է եղել այցելուների համար:

Նախորդ տարի կորոնավիրուսի համավարկի պատճառով պատարագը եղել էր ոչ մարդաշատ։ Այս տարի պատարագի արարողությունը հանդիսապետել է Կ․ Պոլսի Հայոց պատրիարքության գլխավոր քարտուղար և Կրոնական ժողովի ատենապետ, Ծայրագույն Վարդապետ Թաթուլ Անուշյանը։

Նշենք, որ 95 տարվա դադարից հետո 2010-ից ի վեր ամեն տարի սեպտեմբերին՝ Խաչվերաց տաղավար տոնին հաջորդող կամ նախորդող կիրակի օրը, Վանի Սուրբ Խաչ եկեղեցում պատարագ է մատուցվում։

Թուրք-քրդական զինված բախումների պատճառով Թուրքիայի իշխանությունները միայն 2015-2017թթ․ չէին արտոնել պատարագների անցկացումը։ Եռամյա ընդմիջումից հետո վերսկսվել է պատարագի մատուցումը Սուրբ Խաչում  2018-ից։

Հիշեցնենք, որ 10-րդ դարում Վասպուրականի թագավոր Գագիկ Արծրունու հրամանով կառուցված Աղթամարի Սբ․ Խաչ եկեղեցին 1113-1895թթ. եղել է Աղթամարի կաթողիկոսների նստավայրը: Կաթողիկոսության վերացումից հետո նրան պատկանող վանքերն ու եկեղեցիներն անցել են Պոլսի հայոց պատրիարքությանը։ Կղզին ու եկեղեցին լքվել է 1915թ. Հայոց ցեղասպանությունից հետո։

Թուրքիայի մշակույթի և զբոսաշրջության նախարարությունը 2005-ին ձեռնարկել էր Սբ․ Խաչ եկեղեցու վերականգնման աշխատանքները: 2007-ին եկեղեցին այցելուների համար բացվել էր որպես թանգարան:
95 տարվա դադարից հետո 2010-ից ի վեր ամեն տարվա սեպտեմբերին՝ Խաչվերացի տոնին հաջորդող կամ նախորդող կիրակի օրը, Սուրբ Խաչ եկեղեցում պատարագ է մատուցվում: Սակայն 2015-2017թթ. ընթացքում Թուրքիայի արևելյան որոշ շրջաններում քուրդ զինյալների և թուրքական զինուժի միջև պարբերական բախումների հետևանքով պատկան մարմինները պատարագ անցկացնել չէին արտոնել:

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS