կարևոր
778 դիտում, 3 շաբաթ առաջ - 2021-09-04 16:15

Քաբուլում թալիբները արցունքաբեր գազ են կիրառել ցուցարար կանանց դեմ

Քաբուլում թալիբները արցունքաբեր գազ են կիրառել ցուցարար կանանց դեմ

Մի խումբ կանայք փորձել են բողոքի ակցիա անցկացնել Քաբուլում ՝ ընդդեմ «Թալիբան» արմատական ​​շարժման կողմից իրենց իրավունքների խախտման։ Ցույցը արգելվել է․ կիրառվել է արցունքաբեր գազ: Ըստ Tolo News հեռուստաալիքի՝ կանայք փորձել են հասնել նախագահական պալատ, երբ թալիբները նրանց դեմ արցունքաբեր գազ են կիրառել:

Սա առաջին դեպքը չէ, երբ Քաբուլում կանայք փորձում են բողոքի ակցիա կազմակերպել՝ պահանջելով իրենց իրավունքների պաշտպանություն և ներկայացուցչություն Աֆղանստանի նոր կառավարությունում: Աֆղանուհիները փորձել են բողոքի ցույց կազմակերպել նաև ուրբաթ օրը՝ կոչ անելով թալիբներին վերահաստատել Աֆղանստանի նոր սահմանադրությանը քաղաքական մասնակցության իրենց իրավունքը: