կարևոր
550 դիտում, 2 շաբաթ առաջ - 2021-09-03 13:48

Առուշ Առուշանյանի խափանման միջոցի փոփոխման հարցը կքննվի սեպտեմբերի 10-ի դատական նիստին

Առուշ Առուշանյանի  խափանման միջոցի փոփոխման հարցը կքննվի սեպտեմբերի 10-ի դատական նիստին

Գորիս համայնքի ղեկավար Առուշ Առուշանյանի վերաբերյալ քննվող քրեական գործով վերջինիս նկատմամբ ընտրված խափանման միջոցի փոփոխման հարցի քննարկումը տեղի է ունենալու Սյունիքի մարզի ընդհանուր իրավասության դատարանում /Գորիսի նստավայր/ 10․09․2021թ-ին, ժամը 10։00-ին։ Այս մասին գրառում է կատարել Առուշ Առուշանյանի պաշտպան Էրիկ Ալեքսանյանը:

«Ցանկանում ենք տեղեկացնել, որ պաշտպանության կողմը ներկայացրել է դատարանին միջնորդություն կալանքը գրավով փոխարինելու վերաբերյալ, քանզի դատավարության ներկա փուլում առկա են բոլոր նախադրյալները Առուշ Առուշանյանին գրավով ազատ արձակելու համար և համապատասխան հիմնավորումները հանգամանալից կներկայացվեն դատական նիստի ժամանակ»։