կարևոր
406 դիտում, 2 շաբաթ առաջ - 2021-09-01 15:06

Իշխան Սաղաթելյանը հանդիպել է դոկտոր Էլենի Թեոխարուսին և ՀՅԴ Հայ դատի Կիպրոսի հանձնախմբի նախագահ Հակոբ Կազանչյանին

Իշխան Սաղաթելյանը հանդիպել է դոկտոր Էլենի Թեոխարուսին և  ՀՅԴ Հայ դատի Կիպրոսի հանձնախմբի նախագահ Հակոբ Կազանչյանին

Այսօր ԱԺ ՀՀ ԱԺ փոխնախագահ, ՀՅԴ Հայաստանի Գերագույն մարմնի ներկայացուցիչ Իշխանը Սաղաթելյանը Ազգային ժողովում ընդունել է Կիպրոսում Արցախի հետ բարեկամության խմբի ղեկավար, Եվրոպական խորհրդարանի նախկին պատգամավոր, Եվրոպական խորհրդարանում Հայաստանի հետ բարեկամության խմբի նախկին ղեկավար, դոկտոր Էլենի Թեոխարուսին՝ ընկերակցությամբ ՀՅԴ Հայ դատի Կիպրոսի հանձնախմբի նախագահ Հակոբ Կազանչյանին։ 

Տիկին Թեոխարուսի նվիրումն Արցախին և հայ ժողովրդին, նրա ավանդը Արցախի շահերի միջազգային պաշտպանության գործում ուղղակի աննկարագրելի է։ Միայն նշեմ, որ Արցախյան առաջին պատերազմի ընթացքում Թեոխարուսը 19 անգամ այցելել է Արցախ, իրականացրել մեծ թվով վիրահատություններ:

Մտքեր ենք փոխանակել Արցախի շուրջ ստեղծված իրավիճակի, առկա մարտահրավերների հաղթահարման, մեր ժողովրդի կենսական իրավունքների պաշտպանության ուղղությամբ։ Հաճելի էր տեսնել մեր ժողովրդի մեծ բարեկամի հանձնառությունը՝ շարունակել համատեղ պայքարը՝ հանուն ազատ, անկախ և անվտանգ Արցախի,-գրել է Իշխան Սաղաթելյանը։