կարևոր
352 դիտում, 3 շաբաթ առաջ - 2021-08-31 14:01

«Հայաստան» և «Պատիվ ունեմ» խմբակցությունների պատգամավորները Արցախի անկախության 30-ամյակին կլինեն Արցախում

«Հայաստան» և «Պատիվ ունեմ» խմբակցությունների պատգամավորները Արցախի անկախության 30-ամյակին կլինեն Արցախում

ՀՀ ԱԺ ընդդիմադիր «Հայաստան» և «Պատիվ ունեմ» խմբակցությունների մի խումբ պատգամավորներ մեկնում են Արցախի Հանրապետություն՝ Արցախի անկախության օրվա առթիվ:

Պատգամավորական պատվիրակությունն Արցախի ճանապարհին է: «Հայաստան» խմբակցության պատգամավոր Վահե Հակոբյանը հայտնել է, որ իրենց խմբակցությունից ներկայացված է 10-ից ավելի պատգամավոր: Մեկնել են նաև «Պատիվ ունեմ» խմբակցության պատգամավորներից: 

Հիշեցնենք, որ Արցախի Հանրապետության խորհրդարանի նախագահ Արթուր Թովմասյանը «Հայաստան», «Պատիվ ունեմ» և «Քաղաքացիական պայմանագիր» խմբակցությունների ղեկավարներին և անդամներին  հրավիրել է Արցախ՝ մասնակցելու սեպտեմբերի 1-ին կայանալիք ԱԺ հատուկ նիստին՝ նվիրված Հանրապետության 30-ամյա հոբելյանին։

Նշենք, որ ավելի վաղ քննարկվել էին Արցախի Հանրապետության օրվան ու խորհրդարանի 30-ամյակին նվիրված միջոցառումների հետ կապված հարցեր: Արթուր Թովմասյանն ընդգծել էր տոնական ձեւաչափի փոփոխման անհրաժեշտության մասին:

Ազգային ժողովի 30-ամյակի կապակցությամբ հանդիսավոր նիստ կգումարվի սեպտեմբերի 1-ին:

Հավելենք, որ այդ ժամանակահատվածում Նիկոլ Փաշինյանը Հայաստանում չի լինելու. նա արձակուրդ է մեկնել: ԱԺ նախագահ Ալեն Սիմոնյանն էլ գործուղման է լինելու և ԱԺ պատվիրակությունը գլխավորելու է փոխնախագահներից մեկը:

Ի դեպ 44-օրյա պատերազմից հետո բարձրաստիճան որևէ պաշտոնյա ոչ մի անգամ չի եղել Արցախի Հանրապետությունում և պատմության մեջ առաջին անգամ է, որ Արցախն իր անկախության տոնը կնշի առանց ՀՀ բարձր ղեկավարության: