կարևոր
697 դիտում, 2 շաբաթ առաջ - 2021-08-31 13:30

«Հայաստան» խմբակցության պատգամավոր Արթուր Խաչատրյանն ընտրվեց ԱԺ ֆինանսավարկային եւ բյուջետային հարցերի մշտական հանձնաժողովի փոխնախագահ

«Հայաստան» խմբակցության պատգամավոր Արթուր Խաչատրյանն ընտրվեց ԱԺ ֆինանսավարկային եւ բյուջետային հարցերի մշտական հանձնաժողովի փոխնախագահ

Օգոստոսի 31-ին ԱԺ ֆինանսավարկային եւ բյուջետային հարցերի մշտական հանձնաժողովը գումարել է արտահերթ նիստ:

Օրակարգը հաստատելուց հետո քննարկվել է հանձնաժողովի փոխնախագահի ընտրության հարցը:

Համաձայն Դոնթի բանաձևի՝ այդ պաշտոնում ընդդիմությունն առաջադրել էր իր թեկնածուին՝ «Հայաստան» խմբակցության պատգամավոր Արթուր Խաչատրյանին:

Պատգամավոր Արծվիկ Մինասյանը ներկայացրել է թեկնածուի կենսագրությունն ու աշխատանքային գործունեությունը:

Քվեարկության արդյունքում Արթուր Խաչատրյանն ընտրվել է ԱԺ ֆինանսավարկային եւ բյուջետային հարցերի մշտական հանձնաժողովի փոխնախագահ:

Քննարկվել և հաստատվել է նաեւ հանձնաժողովի աշխատակարգը:

Հանձնաժողովի կազմում ընդդիմությունից ընդգրկված են «Հայաստան» խմբակցության պատգամավորներ Արծվիկ Մինասյանը, Արթուր Խաչատրյանը և «Պատիվ ունեմ» խմբակցությունից՝ Իշխան Զաքարյանը:

Հանձնաժողովի նախագահը ՔՊ խմբակցության պատգամավոր Գևորգ Պապոյանն է: Իշխող խմբակցությունից այստեղ ներկայացված են նաև Նարեկ Գրիգորյանը, Սեդրակ Թևոնյանը և Արուսյակ Մանավազյանը: