կարևոր
778 դիտում, 2 շաբաթ առաջ - 2021-08-31 10:21

ՀՀ-ում մոտ 37 հազար առաջին դասարանցի կգնա դպրոց

ՀՀ-ում մոտ 37 հազար առաջին դասարանցի կգնա դպրոց

Հայաստանում, գիտելիքի և դպրության օրն այս տարի առաջին դասարանցիների համար սկսում է օգոստոսի 31-ին:

Նման որոշում է կայացվել, որպեսզի դպրոցների դիմաց ծնողների ու աշակերտների մեծ կուտակումներ չլինեն և հնարավոր լինի պահպանել կորոնավիրուսով պայմանավորված հակահամաճարակային կանոնները:

Առաջին դասարանցիների հանդիսավոր մուտքը դպրոց կազմակերպվում է մեկ օր շուտ, տոնական միջոցառումները կանցկացվեն բացօթյա: Հանրապետության դպրոցներն իրենց դռներն առաջին անգամ կբացեն շուրջ 37 հազար աշակերտի համար: Այդ երեխաներն անցել են հայտագրման փուլը, ծնողները հայտագրումից հետո դպրոցում ընդունվելու և պայմանագիր ստորագրելու փուլ են անցել, հետևաբար թվերը դեռ պետք է հստակեցվեն:

ՀՀ ԿԳՄՍ և Առողջապահության նախարարությունների միջև ձեռք բերված պայմանավորվածության համաձայն`դասերը կարող են իրականացվել ամենօրյա առկա ռեժիմով` անկախ դասարանում աշակերտների թվից: Համապատասխան իրավակարգավորումը, ըստ որի՝ նախատեսվում է չեղարկել դասասենյակներում աշակերտների թվի սահմանափակման հարցը, պաշտոնապես կհրապարակվի առաջիկայում: