կարևոր
748 դիտում, 2 շաբաթ առաջ - 2021-08-30 20:33

Պետք է գործադրվեն բոլոր ջանքերը ավանդույթի ուժով խորհրդարանում լրագրողների ազատ տեղաշարժը ապահովելու համար․ Թագուհի Թովմասյան

Պետք է գործադրվեն բոլոր ջանքերը ավանդույթի ուժով խորհրդարանում լրագրողների ազատ տեղաշարժը ապահովելու համար․ Թագուհի Թովմասյան

Այսօր խորհրդարանում հանդիպեցի Ազգային ժողովում հավատարմագրված լրագրողների, զլմ ղեկավար կազմի, լրագրողական կազմակերպությունների ղեկավարների հետ։ Քննարկեցինք խորհրդարանում լրագրողների տեղաշարժին վերաբերող վերջին փոփոխությունները: Այս մասին իր էջում գրել է Մարդու իրավունքների պաշտպանության եւ հանրային հարցերի մշտական հանձնաժողովի նախագահ, «Պատիվ ունեմ» խմբակցության պատգամավոր Թագուհի Թովմասյանը։

«Քանի որ Ազգային ժողովի խորհուրդն ընդունել է մի որոշում, որում լրագրողների ձայնը լսելի չի եղել, իսկ կայացված որոշումը փաստացի սահմանափակում է լրագրողների ազատ տեղաշարժը ԱԺ-ում, փորձեցի ստեղծել այնպիսի հարթակ, որը հնարավորություն կտա լրագրողներին բարձրաձայնել իրենց մտահոգությունները որոշման առնչությամբ և մշակել ճանապարհային քարտեզ՝ ստեղծված խնդրահարույց իրավիճակից դուրս գալու համար։

Ակնհայտ է, որ կատարվել է «Ազգային ժողովի կանոնակարգ» սահմանադրական օրենքի 30-րդ և «Զանգվածային լրատվության մասին» ՀՀ օրենքի 6-րդ հոդվածների էական խախտում, և կարծում եմ, որ պետք է գործադրվեն բոլոր ջանքերը ավանդույթի ուժով խորհրդարանում լրագրողների ազատ տեղաշարժը ապահովելու համար»,-նշել է պատգամավորը: