կարևոր
784 դիտում, 2 շաբաթ առաջ - 2021-08-30 11:47

Ադրբեջանական զինծառայողը կալանավորված է

Ադրբեջանական զինծառայողը կալանավորված է

Սույն թվականի օգոստոսի 28-ին տեղեկատվություն էինք տարածել Մարտակերտ քաղաքում հայտնաբերված Ադրբեջանի Հանրապետության զինված ուժերի զինծառայողի վերաբերյալ հարուցված քրեական գործը ԱՀ քննչական կոմիտեում վարույթ ընդունելու մասին: Այս մասին տեղեկացնում է ԱՀ ՔԿ-ն։

Նույն օրն իսկ զինծառայող՝ Ջամիլ Բաբաևը, որպես մեղադրյալ է ներգրավել և նրան մեղադրանք է առաջադրվել ԱՀ քրեական օրենսգրքի 350-րդ հոդվածի 1-ին մասով, 316-րդ հոդվածով, 145-րդ հոդվածի 1-ին մասով, 135-րդ հոդվածի 1-ին մասով և 133-րդ հոդվածի 2-րդ մասի 2-րդ, 3-րդ, 4-րդ և 6-րդ կետերով:

Նրա նկատմամբ որպես խափանման միջոց է ընտրվել կալանավորումը:

Նախաքննությունը շարունակվում է:»

Հիշեցնենք, որ Մարտակերտի բնակարաններից մեկում ադրբեջանցի զինծառայող էր հայտնաբերվել։