կարևոր
619 դիտում, 3 շաբաթ առաջ - 2021-08-29 16:18

Լևոն Արոնյանը միանձնյա առաջատար է շախմատի օնլայն մրցաշարում

Լևոն Արոնյանը միանձնյա առաջատար է շախմատի օնլայն մրցաշարում

Լևոն Արոնյանը հաջող է մեկնարկել արագ շախմատի Aimchess US Rapid օնլայն մրցաշարը, որի մեկնարկային 5 տուրից հետո միանձնյա գլխավորում է մրցաշարային աղյուսակը:

5 տուրում հայ գրոսմայստերը հաղթել է Լե Կուանգ Լիեմին (Վիետնամ), Էրիկ Հանսենին (Կանադա) ու Մաքսիմ Վաշյե-Լագրավին (Ֆրանսիա), ինչպես նաև ոչ ոքի է խաղացել Ալիրեզա Ֆիրուզայի (Ֆրանսիա) և Դանիել Նարոդիցկիի (ԱՄՆ) հետ:

5-րդ տուրից հետո Լևոն Արոնյանն ունի 4 միավոր և կես միավոր առաջ է երկրորդ տեղում գտնվող նորվեգացի Մագնուս Կարլսենից:

Օգոստոսի 28-ին մեկնարկած մրցաշարը կավարտվի սեպտեմբերի 5-ին: Մրցաշարին մասնակցում են 16 շախմատիստ: