կարևոր
1717 դիտում, 2 շաբաթ առաջ - 2021-08-28 18:36

Տեղանունները և դրանց կիրառումը մեծ քաղաքականության բաղադրիչներից են. Ռուբեն Մելքոնյան

Տեղանունները և դրանց կիրառումը մեծ քաղաքականության բաղադրիչներից են. Ռուբեն Մելքոնյան

ԵՊՀ Արեւելագիտության ֆակուլտետի դեկան Ռուբեն Մելքոնյանը գրառում է կատարել.

«2000-ականներին կեսերին լուսահոգի վարչապետ Անդրանիկ Մարգարյանի հրամանով ձևավորվել էր տեղանունների փոփոխությունների կառավարական հանձնաժողով: Ի թիվս այլ մասնագետների` հանձնաժողովի անդամ էի նաև ես. թուրքագետի առկայությունը նման հանձնաժողովում, կարծում եմ, հասկանալի է, թե ինչ պատճառ ուներ: Տարիների ընթացքում մենք վերականգնել ենք մեր Հայրենիքի հազարավոր աղավաղված, թրքացված տեղանուններ` գյուղերի, սարերի, գետերի, դաշտերի անվանումներ: Հայկական և հայեցի տեղանունները հետո հաստատվում էին ՀՀ կառավարության և Ազգային ժողովի կողմից: Ասածս ինչ է` տեղանունները և դրանց կիրառումը քաղաքականության, այդ թվում` և մեծ քաղաքականության բաղադրիչներից է, թուրքական, ադրբեջանական հակահայկական, ձուլման, պատմական իրականությունը խեղաթյուրելու քաղաքականության կարևոր տարրերից: Ուստի «մեր» իշխանություններին խորհուրդ կտամ (չնայած մեծամտության գագաթնակետին հասած որոշ դատարկամիտներ կարծում են, թե իրենք խորհրդի կարիք չունեն) կարդալ, սովորել և կիրառել հայկական տեղանունները, այդ թվում` և պաշտոնական փաստաթղթերում առկա, անկախ այն հանգամանքից, որ դրանց մի մասը վերականգնվել, վերահայացվել է «նախկինների» օրոք»։