կարևոր
2053 դիտում, 3 շաբաթ առաջ - 2021-08-27 23:37

Գորիս-Կապան հատվածի հսկողությունը իրականացնելու են ռուս սահմանապահները. Գևորգ Փարսյան

Գորիս-Կապան հատվածի հսկողությունը իրականացնելու են ռուս սահմանապահները. Գևորգ Փարսյան

ժամը 20:00-ի դրությամբ, վերականգվել է Մ2 միջպետական ճանապարհի Գորիս-Շուռնուխ-Կապան հատվածի երթևեկությունը: Այս մասին իր էջում գրել է Կապանի քաղաքապետ Գևորգ Փարսյանը։

«Երթևեկության կազմակերպման փոփոխություն չի եղել:

Որոտան և Նոր Առաջաձոր հատվածներում տեղադրվել են բետոնե թափարգելներ՝ այդ հատվածներում երթևեկությունը դանդաղեցնելու նպատակով: Ճանապարհի այդ հատվածների հսկողությունը իրականացնելու են ռուս սահմանապահները»:

Հիշեցնենք, որ օգոստոսի 25-ից ադրբեջանցի զինվորականները փակել են Կապան-Գորիս ավտոմայրուղու Կարմրաքար-Շուռնուխ հատվածի երթևեկությունը: Օգոստոսի 26-ին թշնամու զինվորականները փակել են Գորիս-Որոտան հատվածը։ Տեղում են հայ և ռուս սահմանապահները, 3 օր է բանակցություններն էին ընթանում։