կարևոր
2644 դիտում, 3 շաբաթ առաջ - 2021-08-27 17:42

Սեւանն ու Երեւանն են ուզում… բանակցելո՞ւ ենք․ ԱԱԾ պահեստազորի սպաների միություն

Սեւանն ու Երեւանն են ուզում… բանակցելո՞ւ ենք․ ԱԱԾ պահեստազորի սպաների միություն

Ակնհայտ է, որ անվերջ զիջումներով ու անիմաստ բանակցություններով վերջնականապես կործանում ենք հայրենիքը, իրականութուն դարձնում պանթուրքիստական գաղափարը։ Այս մասին հայտարարություն է տարածել «ԱԱԾ պահեստազորի սպաների միություն» ՀԿ-ն։

«Բանակցում ենք

«Փայլուն» քաղաքականություն ենք որդեգրել՝ բանակցում ենք:

Արցախը փաստացի հանձնեցինք թշնամուն բանակցում ենք:

Թուրքը վաղուց երկրի բուն տարածքում է՝ բանակցում ենք:

Քաղաքացիական անձ թե զինվորական են առեւանգում, գերեվարում՝ բանակցում ենք:

Մարդկանց ունեցվածքը, ինչքը խլում, տանում են՝ բանակցում ենք:

Փակել են Իրան-Հայասատան միջպետական ճանապարհը՝ բանակցում ենք:

Շրջափակման մեջ են հայտնվել հայկական գյուղերը՝ բանակցում ենք:

Սեւանն ու Երեւանն են ուզում… բանակցելո՞ւ ենք:

Ակնհայտ է, որ անվերջ զիջումներով ու անիմաստ բանակցություններով վերջնականապես կործանում ենք հայրենիքը, իրականութուն դարձնում պանթուրքիստական գաղափարը»,- նշվում է հայտարարության մեջ։