կարևոր
811 դիտում, 3 շաբաթ առաջ - 2021-08-26 17:23

Որոտանի համայնքապետ Սուրեն Օհանջանյանը ազատ է արձակվել

Որոտանի համայնքապետ Սուրեն Օհանջանյանը ազատ է արձակվել

Սյունիքի մարզի Որոտան վարչական շրջանի ղեկավար Սուրեն Օհանջանյանը վարույթն իրականացնող մարմնի որոշմամբ նախօրեին ազատ է արձակվել։ Այս մասին հայտնել է փաստաբան Արսեն Վարդանյանը։

«Երեկ չէ առաջին օրը Սուրիկ Օհանջանյանն ազատ է արձակվել, այլ մանրամասներ նրա գործի հետ կապված չեմ կարող ասել, քանի որ այլևս նրա փաստաբանը չեմ»,- նշել է Վարդանյանը:

Հիշեցնենք, որ հուլիսի 12-ին դատարանը Սյունիքի մարզի Որոտան վարչական շրջանի ղեկավար Սուրեն Օհանջանյանին ձերբակալելու որոշումը ոչ իրավաչափ էր ճանաչել, սակայն 2 ամսով կալանավորելու որոշում էր կայացրել:

Նա մեղադրվում էր ընտրակաշառք տալու մեջ։

Ըստ նախաքննական մարմնի՝ Օհանջանյանը խորհրդարանական ընտրություններին ընդառաջ գյուղի բնակիչների հետ կազմակերպել է հանդիպումներ, որոնց ներկա է գտնվել նաեւ Գորիս համայնքի ղեկավարը, եւ առաջարկել սոցիալական օգնություն ստանալու համար դիմումներ ներկայացնել Գորիս համայնքի ղեկավարին` երաշխավորելով, որ դրանք միանշանակ բավարարվելու են: