կարևոր
247 դիտում, 1 ամիս առաջ - 2021-08-25 12:45

ԱԺ նիստերի դահլիճից հավաքել են շշերը, բաժակները, ալկոգելերը

ԱԺ նիստերի դահլիճից հավաքել են շշերը, բաժակները, ալկոգելերը

Ազգային ժողովը տեղի ունեցած միջադեպից եւ դրան հաջորդած երկար ընդմիջումից հետո շարունակում է աշխատանքները։  Նիստերի դահլիճից հավաքել են շշերը, բաժակները, ալկոգելերը։

Նշենք, որ այսօր Կառավարության ծրագրի քննարկումն ընդհատվեց իշխող եւ ընդդիմադիր պատգամավորների միջեւ վիճաբանության պատճառով։

Ազգային ժողովում իրավիճակը կտրուկ սրվեց «Քաղաքացիական պայմանագիր» խմբակցության պատգամավոր Հայկ Սարգսյանի ելույթի ժամանակ։  Սարգսյանը սկսեց խոսել, թե այն Պաշտպանության նախարարները, որոնց ժամանակ փողով կամ զանգով բանակից քաղաքացի է ազատվել, նրանք հայրենիքի դավաճաններ են։ «Հայաստան» խմբակցության պատգամավոր Սեյրան Օհանյանը տեղից արձագանքել էր, թե Սարգսյանն է հայրենիքի դավաճանը եւ իր սեղանին դրված շիշը նետել նրա ուղղությամբ։ Դրանից հետո իշխող ուժի պատգամավորները որպես պատասխան եւս շշեր էին նետել ընդդիմադիր պատգամավորների ուղղությամբ։

Նիստերի դահլիճում իրավիճակը լարվել էր, սկսվել էր հրմշտոց ու անվտանգության աշխատակիցները ներս էին մտել եւ նիստն ընդհատվել էր։  

Ընդմիջումից հետո կրկին իրավիճակը լարվեց Հաայստան խմբակցության պատգամավոր Վահե Հակոբյանի ելույթի ժամանակ: Այս անգամ շշերի փոխարեն գրկույքներ էին թռչում ԱԺ նիստերի դահլիճում: ՔՊ-ական պատգամավորները հարձակվեցին ընդդիմադիրների վրա: 

Ուղիղ եթերը կրկին անջատվեց: