կարևոր
1561 դիտում, 4 շաբաթ առաջ - 2021-08-25 10:45

Լարված իրավիճակ ԱԺ-ում. անվտանգության աշխատակիցները կրկին դահլիճում են

Քիչ առաջ նոր միջադեպ տեղի ունեցավ Ազգային Ժողովում։

«Քաղաքացիական պայմանագիր» խմբակցության պատգամավոր Հայկ Սարգսյանը՝ հայտնի շիշ բռնողը, իր ելույթում վիրավորական խոսքեր էր ուղղել ընդդիմության առաջնորդներին: Մասնավորապես, անուղղակիորեն մեղադրում էր Հաայստան խմբակցության ղեկավար, Պաշնպանությայն նախկին նախարար, գեներալ Սեյրան Օհանյանին: Ընդդիմադիր պատգամավորները տեղից սկսեցին հակադարձել Սարգսյանին, ապա շշեր նետել դեպի ամբիոն: Պատգամավորները ձեռնամարտի անցան։

ԱԺ նիստերի դահլիճ կրկին հրավիրվեցին անվտանգության տասնյակ աշխատակիցները։ Փաշինյանին նրանք արագ դուրս հանեցին: Դահլիճում կրկին հնչում էին նիկոլ դավաճան, հողատու, կապիտուլյանտ արտահայտությունները: 

ԱԺ նախագահը, սովորության համաձայն, ընդմիջման պատրվակով ընդհատեց նիստի ուղիղ հեռարձակումը: Միաժամանակ լրագրողները դուրս հանվեցին օթյակից: