ուղիղ եթեր փակել
Այս պահին Երևանում
+10°
ощущаетվя как +9°C
բաց երկինք
1 մ/վ քամու ուժգնություն
արևածագ: 05:39
23.05.2022
USD 455.73 -3.25
GBP 573.35 +0.36
EUR 486.58 +0.84
GEL 158.93 +0.25
RUB 7.89 +0.08

Վերջին ավելացված հաղորդումներ

Ամենադիտվածներ

կարևոր
98119 դիտում, 8 ամիս առաջ - 2021-08-24 20:42

Բռնություն և սադրանք Խորհրդարանում. Փաշինյանին ՊՊԾ աշխատակիցները փախցրին դահլիճից

Ազգային ժողովի 8-րդ գումարման նիստում այսօր Խորհրդարանը լսում էր Կառավարության 2021-2026 թթ. գործունեության ծրագիրը: Խորհրդարանում էին Նիկոլ Փաշինյանը, Կառավարության անդամները: Վաղ առավոտից Խորհրդարանի շենքն ամբողջությամբ շրջապատված էր ոստիկանական ուժերով: Խիստ հսկողություն էր նաեւ շենքի ներսում: 

Մոտ երեք ժամ Փաշինյանը ներկայացրեց առաջիկա հինգ տարվա Կառավարության գործունեության իշխանական տեսլականը: Երբ հերթը հասավ հարցուպատասխանին, իրավիճակը լարվեց. քպական պատգամավորները կրկին հանգիստ չընդունեցին Փաշինյանի հասցեին արված որակումները: Պատիվ ունեմ խմբակցության պատգամավոր Աննա Մկրտչյանը Նիկոլ Փաշինյանի մասին խոսելիս մի քանի անգամ կրկնեց՝ այդ անձնավորությունը:

Կրքերը սկսեցին թեժանալ, տեղից արձագանքեցին իշխանական պատգամավորները: Ալեն Սիմոնյանը, ինչպես նախորդ նիստերին, կրկին որոշեց, ձայնից զրկել Մկրտչյանին: Խոսելու իրավունքից զրկվելով՝ Աննա Մկրտչյանը թղթի վրա գրեց կապիտուլյանտ բառը, դրեց իր առջեւն ու շարունակեց նստել: Կրքերն էլ ավելի թեժացան, երբ ի պատասխան Տիգրան Աբրահամյանի հարցի՝ Նիկոլ Փաշինյանն ասաց, որ Աննա Մկրտչյանին ուղղված իրենց ձեւակերպումներում իշխանական պատգամավորներները դեռ մի բան էլ մեղմ են գտնվել:

Փաշինյանի խոսքից ոգևորված՝ քպականներն առավել ակտիվացան, ԱԺ նախագահն էլ դահլիճ հրավիրեց անվտանգության աշխատակիցներին՝ դուրս տանելու պատգամավորին: Նախ Տիգրան Աբրահամյանը, հետո ընդդիմադիր մյուս պատգամավորները պատնեշ կազմեցին՝ թույլ չտալով, որ ՊՊԾ աշխատակիցները մոտենան կին պատգամավորին: Այսքանը տեսավ հեռուստադիտողը, հետո հայտարավեց ընդմիջում, ուղիղ եթերն անջատվեց, լրագրողներին հեռացրին օթյակից: Այն ինչ տեսնում եք ձեր էկրաններին, ընդդիմադիր պատգամավորներն են նկարել:

Հեռուստադիտողը չտեսավ նաև, որ ՊՊԾ աշխատակիցներն այդ պահին անմիջապես դուրս հանեցին Փաշինյանին, իսկ դահլիճում շարունակ հնչում էին՝ նիկոլ դավաճան, հողատու, կապիտուլյանտ արտահայտությունները: 

ՊՊԾ աշխատակիցները հարվածել են Հայաստան խմբակցության քարտուղար Արծվիկ Մինասյանին, պատռել նրա վերնաշապիկը, Աննա Մկրտչյանն էլ հարվածներ է ստացել մարմնի տարբեր հատվածներին: Նրան բժշկական օգնություն ցուցաբերելու համար  Խորհրդարան էին ժամանել շտապօգնության աշխատակիցները:

Մանրամասները՝ Անահիտ Հովհաննիսյանի տեսանյութում։

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS