կարևոր
907 դիտում, 4 շաբաթ առաջ - 2021-08-21 21:12

Այսօր ավարտվեց ՀՅԴ ՀԵՄ «Հայրենիքն ամեն բանից վեր» Բանակում 2021-ը

Այսօր ավարտվեց ՀՅԴ ՀԵՄ «Հայրենիքն ամեն բանից վեր» Բանակում 2021-ը

Այսօր ավարտվել է ՀՅԴ Հայաստանի Երիտասարդական Միության/ ՀԵՄ-ի ամենամյա բանակումը։ Այն մեկնարկել էր օգոստոսի 16-ին՝ Բյուրականում։

Նախքան բանակավայր մեկնելնը մասնակիցները այցելել են ընկեր Վահան Հովհաննիսյանի շիրիմին։

Վեց օր շարունակ երիտասարդական միության ընկերները միասին անցան կրթական, ռազմամարզական, գաղափարական բազմաթիվ հագեցած ծրագրերի միջով, միասին պատվով հաղթահարեցին դժվարություններ ու բանակ դարձաց այսօր վերադառնում են տուն, իրենց հետ տանելով այն գիտելիքը, որն անհրաժեշտ են օրվա Հայ երիտասարդին։

Բանակավայրում մասնակիցները հյուրընկալեցին.

  • Պարույր Սանթրոսյանին, ով բանակման մասնակիցներին պատմեց ընկեր Վահան Հովհաննիսյանի մասին
  • Սպարտակ Հարությունյանին, ով սովորեցրեց առաջին բուժօգնության ցուցաբերման եղանակները
  • Արմեն Ռուստամյանին, ով ներկայացրեց Արցախի ներկա իրավիճակը
  • Լևոն Մկրտչյանին, ում հետ խոսեցին պետականություն գաղափարից և ազգային գաղափարախոսությունից
  • Սարգիս Մկրտչյանին, ով ներկայացրեց տարածաշրջանային նոր զարգացումները
  • Ժիրայր Բյոջեքյանին, ով ներկայացրեց մեր հեղափոխական անցյալը
  • Կարեն Վրթանեսյաին և Հայկ Խաչիկյանին, ովքեր անդրադարձան մեր սխալներին և մեզ պատմեցին ապագայի պատերազմների մասին
  • Հրանտ Մարգարյանին, ով խոսեց պատերազմից հետո յուրաքանչյուրիս անելիքների մասին
  • Իշխան Սաղաթելյանին, ով ներկայացրեց երկրում ստեղծված քաղաքական իրավիճակը
  • Արման Թաթոյանին, ում հետ խոսեցին մարդու իրավունքների մասին: