կարևոր
733 դիտում, 4 շաբաթ առաջ - 2021-08-20 12:13

Իշխան Սաղաթելյանն այցելել է ՀՅԴ ՀԵՄ-ի բանակավայր. ԼՈւՍԱՆԿԱՐՆԵՐ

Իշխան Սաղաթելյանն այցելել է ՀՅԴ ՀԵՄ-ի բանակավայր. ԼՈւՍԱՆԿԱՐՆԵՐ

Օգոստոսի 19-ին ՀՅԴ Հայաստանի Գերագույն մարմնի ներկայացուցիչ, ՀՀ Ազգային ժողովի փոխնախագահ Իշխան Սաղաթելյանն այցելել է ՀՅԴ Հայաստանի Երիտասարդական միության՝ Բյուրականում անցկացվող բանակումի մասնակիցներին:

«Հայրենիքն ամեն բանից վեր» խորագիրը կրող բանակումը համախմբել է շուրջ 200 երիտասարդի՝ Հայաստանի Հանրապետության բոլոր մարզերից և Արցախից:

Երիտասարդների հետ հանդիպման ընթացքում Իշխան Սաղաթելյանը կարևորել է հատկապես պատմական այս ժամանակաշրջանում ազգային մտածողություն ունեցող, հայրենատեր և պահանջատեր երիտասարդների ակտիվ ներգրավվածությունը պետական, հասարակական և համայնքային նշանակության հարցերի լուծմանը:

Իշխան Սաղաթելյանը շեշտել է նաև, որ հենց երիտասարդներն են որոշելու մեր հայրենիքի ապագան, ու մեծապես նրանց ուսերին է դրված պետականության պահպանման, նոր որակի ազգային պետության ստեղծման և մեր ոտնահարված արժանապատվության վերականգնման համար պայքարի պատմական առաքելությունը։