կարևոր
775 դիտում, 1 ամիս առաջ - 2021-08-20 11:45

Պուտինն ու Մակրոնը կարևորել են արցախյան հիմնախնդրի կարգավորման հետագա աշխատանքները ԵԱՀԿ Մինսկի խմբում

Պուտինն ու Մակրոնը կարևորել են արցախյան հիմնախնդրի կարգավորման հետագա աշխատանքները ԵԱՀԿ Մինսկի խմբում

Ռուսաստանի նախագահը հեռախոսազրույց է ունեցել Ֆրանսիայի իր պաշտոնակցի հետ: Այս մասին տեղեկանում ենք Կրեմլի մամուլի ծառայության տարածած հաղորդագրությունից:

Վլադիմիր Պուտինն ու Էմանուել Մակրոնը ի թիվս այլ հարցերի, քննարկել են նաեւ Արցախի հիմնախնդրի կարգավորումը: 

Էմանուել Մակրոնի խնդրանքով Վլադիմիր Պուտինը տեղեկացրել է 2020 թ.նոյեմբերի 9-ին եւ 2021թ. հունվարի 11-ին Արցախի վերաբերյալ եռակողմ հայտարարությունների իրականացման ընթացքի մասին: Արձանագրվել է, որ իրավիճակը տարածաշրջանում, ընդհանուր առմամբ կայուն է, քայլեր են ձեռնարկվում Հարավային Կովկասում տնտեսական եւ տրանսպորտային կապերի ապաշրջափակման եւ բնակչության հումանիտար կարիքների ապահովման ուղղությամբ:

Զրուցակիցներն ընդգծել են Արցախի հակամարտության կարգավորման տարբեր ասպեկտները, առաջին հերթին ԵԱՀԿ Մինսկի խմբի շրջանակում, հետագա համատեղ աշխատանքի փոխադարձ տրամադրվածությունը: