կարևոր
1027 դիտում, 1 ամիս առաջ - 2021-08-18 22:56

Ջալալաբադում թալիբները կրակ են բացել ցուցարարների վրա․ կան զոհեր

Ջալալաբադում թալիբները կրակ են բացել ցուցարարների վրա․ կան զոհեր

«Թալիբանի» իշխանության գալուց հաշված օրեր անց Աֆղանստանի տարբեր շրջաններում բողոքի ցույցեր են սկսվել:

Մայրաքաղաք Քաբուլի փողոցներում մի խումբ կանայք բողոքել են թալիբների դեմ՝ չնայած որ նախօրեին շարժման առաջնորդներն իրենց առաջին ասուլիսում հայտարարել էին, թե աֆղանցի կանանց իրավունքները կհարգվեն իսլամի օրենքի համաձայն:

Ջալալաբադ քաղաքում էլ այսօր ցուցարարները պահանջում էին թալիբներից չփոխել Աֆղանստանի դրոշը շարժման դրոշով: Բողոքի ցույցի ժամանակ մարդիկ իջեցրել էին Թալիբանի դրոշը և բացել կարմիր, կանաչ և սև ազգային դրոշը: Չնայած ակցիան լայնամասշտաբ չի եղել, թալիբները կրակ են բացել ցուցարարների վրա: 

Տեղական Pajhwok Afghan News լրատվական գործակալության թվիթերյան գրառումներով ներկայացրել է բողոքի մասնակիցներին: Ականատեսների խոսքով՝ թալիբների դրոշը հանելիս 3 մարդ տեղում գնդակահարվել է: Կան նաեւ վիրավորներ: