կարևոր
2134 դիտում, 1 ամիս առաջ - 2021-08-18 19:59

Բոլոր «պարերը պարել» է, հիմա էլ արտաքին հետախուզական ծառայություն է խոստանում․ Շարմազանով

Բոլոր «պարերը պարել» է, հիմա էլ արտաքին հետախուզական ծառայություն է խոստանում․ Շարմազանով

Բոլոր «պարերը պարել» է, հիմա էլ արտաքին ակտիվ քաղաքականություն ու արտաքին հետախուզական ծառայություն է խոստանում։ Այս մասին գրել է ՀՀԿ խոսնակ Էդուարդ Շարմազանովը։

«Մեկը չկա հարցնի, թե դեռ 2019-ին քո կողմից հայտարարված «այլ պետությունների գործակալներից» գոնե մեկն ինչու՞ առ այսօր ձեր իսկ կողմից հայտնաբերված չէ։

Ո՞վ է հրաժարվել հայանպաստ բանակցային ժառանգությունից, մերժել Վիեննայի և Սանկտ Պետերբուրգի օրակարգերը։

Ո՞վ է Ադրբեջանի ղեկավարին «կառուցողական» անվանել։

Ո՞վ է ասել. «ինչ պետք է, դա էլ կբանակցեմ»։

Ովքե՞ր էին խոստանում՝ նոր պատերազմ, նոր տարածքներ։

Ովքե՞ր էին «կուրծք ծեծում», որ Արցախի օդը պաշտպանված է։

Ո՞վ ՀԱՊԿ-ից հետ կանչեց գլխավոր քարտուղարին ու փչացրեց հարաբերությունները դաշնակից Ռուսասատանի հետ։

Ո՞վ հոկտեմբերի 19-ին մերժեց Պուտինի պատերազմը դադարեցնելու առաջարկը, որի հետեւանքով հազարավոր տղաներ զոհվեցին։

Իսկ Շուշին, Հադրութը, Արցախի մեծ մասի հանձնումը, նոյեմբերի 9-ի ու հունվարի 11-ի խայտառակությունն ո՞վ է ստորագրել։

Ո՞վ է թուրքին Սյունիքի ու Գեղարքունիքի տարածքներ առանց դիմադրության մտնելու «կանաչ լույս» վառել։

Ո՞վ է խոստացել ու մինչ օրս մեր գերիներին տուն չի վերադարձրել։

Ո՞վ է առանց Արցախի կարգավիճակի ճշտգրտման պատրաստ ադրբեջանցիների հետ սահմանների դեմարկացիա ու դելիմիտացիա իրականացնել։

Ովքե՞ր են Արցախի Հանրապետություն եզրույթի փոխարեն օգտագործում «Լեռնային Ղարաբղի տարածք» տերմինը։

Ովքե՞ր են ազգային անվտանգության ռազմավարության ծրագրից հանել «հայապահպանություն» եզրույթը։

Հաստատ ոչ «նախկինները»։

Նախաձեռնող արտաքին քաղաքականությունից խոսոմ է մեկն, ում թշնամի երկրի ղեկավարը հրապարակային ինչ ասես ասել է, իսկ ինքը ոչ միայն ծպտուն չի հանել, այլ գնացել հետը «ужин» է արել։

Ու այսքանից հետո դեռ «դարակազմիկ» ելույթներ է ունենում։

Սուտն էլ չափ ու սահման պետք է ունենա։

Հ.Գ. Մարդկային ամենակարեւոր առաքինություններից է չափի զգացումը։

Սոկրատ»,-գրել է Շարմազանովը։

Հիշեցնենք, որ կառավարությունն այսօր՝ օգոստոսի 18-ին, հաստատել է 2021-2026 թվականների գործունեության ծրագիրը։

Նիկոլ Փաշինյանը համառոտ ներկայացրել է 2021-2026 թվականների գործունեության ծրագիրը եւ նշել, որ առանձնակի ուշադրություն պետք է դարձնել անվտանգության մարտահրավերներին:

Նրա խոսքով առաջնային է Հայաստանի արտաքին անվտանգության, ինքնիշխանության, տարածքային ամբողջականության պաշտպանությանը, Արցախի հիմնախնդրի արդարացի լուծումը:

Ըստ ծրագրի առաջիկա 5 տարիների ընթացքում Հայաստանի սահմանապահ զորքերի պատասխանատվության տարածքները կընդլայնվեն եւ Հայաստանում կստեղծվի արտաքին հետախուզական ծառայություն: