կարևոր
1147 դիտում, 1 ամիս առաջ - 2021-08-18 19:37

Աֆղանստանի նախագահն Արաբական Միացյալ Էմիրություններում է. պաշտոնական

Աֆղանստանի նախագահն Արաբական Միացյալ Էմիրություններում է. պաշտոնական

Արաբական Միացյալ Էմիրությունների արտգործնախարարությունը հաստատել է, որ երկիրն ընդունել է Աֆղանստանի փախուստի դիմած նախագահ Աշրաֆ Ղանիին եւ նրա ընտանիքին՝ «մարդասիրական նկատառումներով»:

Ղանին փախել էր Աֆղանստանից, երբ թալիբները մոտեցել էին Քաբուլին, ինչը արագացրել է աֆղանական կառավարության փլուզումը: Նրա գտնվելու վայրը նախկինում անհայտ էր: Նա իր փախուստը բացատրել է նրանով, որ այդպիսով հաջողվել է խուսափել արյունահեղությունից:

Որ աֆղան ժողովրդին մենակ է թողել առաջին հերթին այդ երկրի նախագահը, վերահաստատել է Ռուսաստանը: Քաբուլում Ռուսաստանի դեսպանության մամուլի քարտուղարը պատմել է, որ Աֆղանստանի նախագահ Աշրաֆ Ղանին երկրից փախել է գումարով լի 4 մեքենայով: Ընդ որում, գումարի մի մասը, նրա պնդմամբ, ուղղաթիռում տեղ չի արել ու թողել են թռիչքուղու վրա: