կարևոր
1762 դիտում, 1 ամիս առաջ - 2021-08-18 18:06

Մեր մտահոգությունները չեն փարատվել, հսկայական ծավալի աշխատանք ունենք անելու․ Իշխան Սաղաթելյան

Մեր մտահոգությունները չեն փարատվել, հսկայական ծավալի աշխատանք ունենք անելու․ Իշխան Սաղաթելյան

Արցախում եւ Հայաստանում տիրող իրավիճակների շուրջ մեր մտահոգությունները չեն փարատվել եւ մենք հսկայական ծավալի աշխատանք ունենք անելու։ Այս մասին օգոստոսի 18-ին ԱԺ-ում լրագրողների հետ զրույցում նշել է ՀՅԴ Հայաստանի ԳՄ ներկայացուցիչ, ԱԺ փոխնախագահ Իշխան Սաղաթելյանն՝ անդրադառնալով խորհրդարանում փակ ֆորմատով տեղի ունեցած հանդիպմանը, որը վերաբերում է սահմանային իրավիճակին։

«Մեր մտահոգությունները պայմանավորված են Հայաստանի սահմանին տիրող լարվածությամբ։ Թշնամին արդեն երեք ամիս է՝ ներխուժել է Հայաստանի սահման, ունենք գերիներ, զոհեր, վիրավորներ։ Մեր մտահոգությունները չեն կարող փարատվել, որովհետեւ թշնամին շարունակում է մնալ Հայաստանի տարածքում։ Բազմաթիվ հարցեր ենք տվել ու պատասխաններ ստացել, դրանց մի մասը եղել է տեղեկատվական, որոշ հարցեր էլ հասկանալի պատճառներով ամբողջությամբ չեն մեկնաբանվել։ Կարծում եմ՝ նմանատիպ հանդիպումների անհրաժեշտություն մշտապես կա, ավելի բարձր մակարդակով պետք է լինեն այդ հանդիպումները։ Արցախում եւ Հայաստանում տիրող իրավիճակների շուրջ մեր մտահոգությունները չեն փարատվել եւ մենք հսկայական ծավալի աշխատանք ունենք անելու»,- ասել է Իշխան Սաղաթելյանը։

Անդրադառնալով Ալիևի հայտարարություններին Սաղաթելյանը նշել է, որ Արցախը երբեք չի կարող լինել Ադրբեջանի մաս։

«Դա բացառվում է։ Օգտվելով ստեղծված իրավիճակից, թշնամի երկրի ղեկավարը փորձելու է այս ընթացքում ճնշումների, սադրանքների միջոցով հասնել իր ուզածին։ Թշնամու պահվածքը մեզ համար ակնհայտ է, խնդիրն այն է, թե մենք ինչ ենք ուզում, ինչպես ենք դիմագրվում, ինչ քայլեր ենք ձեռնարկում, սեղանին ինչ փաթեթ կա»,- եղրափակել է Սաղաթելյանը։