կարևոր
364 դիտում, 1 ամիս առաջ - 2021-08-18 10:47

Մոսկվայում կայացել է փոխվարչապետերի եռակողմ աշխատանքային խմբի նիստը

Մոսկվայում կայացել է փոխվարչապետերի եռակողմ աշխատանքային խմբի նիստը

Հայաստանի Հանրապետության, Ռուսաստանի Դաշնության և Ադրբեջանի Հանրապետության փոխվարչապետների համանախագահությամբ Մոսկվայում կայացել է եռակողմ աշխատանքային խմբի նիստը: 

Փոխվարչապետ Մհեր Գրիգորյանը, Ալեքսեյ Օվերչուկը և Շահին Մուստաֆաևը վերսկսել են տարածաշրջանային տրանսպորտային ապաշրջափակման եռակողմ խմբի աշխատանքները:

Օգոստոսի 17-ին կայացած նիստում կողմերը դիտարկել են Հարավային Կովկասի տարածաշրջանում տրանսպորտային հաղորդակցությունների վերականգնման հեռանկարները և քննարկել 2021 թվականի հունվարի 11-ի հայտարարության շրջանակներում իրականացվող աշխատանքների հետագա ընթացքը։

Աշխատանքային խմբի առաջին հանդիպումը կայացել էր 2021 թվականի հունվարի 30-ին Մոսկվայում։

Եռակողմ խումբը դադարեցրել էր աշխատանքները ամիսներ առաջ, երբ ադրբեջանական զինվածն ուժերը ներխուժել էին ՀՀ ինքնիշխան երկրի տարածք և մի քանի կիլոմետր առաջ էին եկել Սյունիքի և Գեղարքունիքի մարզերում։ Հունիսի 1-ին Մհեր Գրիգորյանը հայտարարել էր, որ եռակողմ խմբի աշխատանքը դադարեցվել է Հայաստանի եւ Ադրբեջանի սահմանին տեղի ունեցած միջադեպերից հետո։

Փաշինյանը, սակայն, անցած շաբաթ կառավարության նիստում պնդել էր, թե անհրաժեշտ է վերսկսել բանակցությունները։