Ռուսական խաղաղապահ զորախմբի զինծառայողներն ապահովել են ավելի քան 200 ուխտավորների անվտանգությունը Արցախի սահմանազատման գծի մոտ գտնվող Ամարաս վանական համալիր այցելելիս: Այս մասին հայտնում է ՌԴ ՊՆ-ն:
«Խնդիրն է ուխտագնացներին ուղեկցել Ամարասի վանական համալիր: Այս համալիրը գտնվում է սահմանազատման գծի մոտ, ուստի անհրաժեշտ է ռուսական խաղաղապահ զորախմբի ներկայությունը», - ասել է ռուսական խաղաղապահ զորակազմի ներկայացուցիչ Դանիիլ Նիկիտինը:
Ուխտավորները ներկա են գտնվել Հայ առաքելական եկեղեցու վանքում մատուցված պատարագին: