կարևոր
736 դիտում, 1 ամիս առաջ - 2021-08-16 19:33

Արշակ Կարապետյանը ՊՆ ղեկավար կազմին է ներկայացրել ՀՀ պաշտպանության նախարարի նորանշանակ տեղակալին

Արշակ Կարապետյանը ՊՆ ղեկավար կազմին է ներկայացրել ՀՀ պաշտպանության նախարարի նորանշանակ տեղակալին

Օգոստոսի 16-ին Հայաստանի պաշտպանության նախարար Արշակ Կարապետյանը վարչական համալիրում ՊՆ, ԶՈՒ և ԶՈՒ ԳՇ ղեկավար կազմին է ներկայացրել ՀՀ պաշտպանության նախարարի նորանշանակ տեղակալ Կարեն Բրուտյանին:

Բրուտյանը պաշտպանության փոխնախարար է նշանակվել օգոստոսի 13-ին։ 

Մինչ այդ ստորագրված մեկ այլ որոշման համաձայն, Կարեն Բրուտյանն ազատվել էր ֆինանսների նախարարի առաջին տեղակալի ժամանակավոր պաշտոնակատարի պաշտոնից: 

Նշենք, որ Բրուտյանը Արշակ Կարապետյանի երկրորդ տեղակալն է։

Արշակ Կարապետյանը պաշտպանության նախարարի պաշտոնին նշանակվել է 2021թ. օգոստոսի 2-ին։

Գործունեություն՝

Կարեն Բրուտյանը 2014 թվականի օգոստոսից մինչև 2016 թվականի մարտ եղել է ՀՀ գլխավոր դատախազի խորհրդական։

2016-ի մարտ ամսից նշանակվել է ՀՀ կառավարությանն առընթեր Պետական եկամուտների կոմիտեի նախագահի խորհրդական, իսկ 2016 նոյեմբերից մինչև 2018-ի մայիս աշխատել որպես ՀՀ կառավարությանն առընթեր Պետական եկամուտների կոմիտեի նախագահի առաջին տեղակալ։