կարևոր
670 դիտում, 1 ամիս առաջ - 2021-08-16 14:24

Վարդենիս համայնքը կարկուտից մեծ վնասներ է կրել

Վարդենիս համայնքը կարկուտից մեծ վնասներ է կրել

Օգոստոսի 14-ին ուժեղ կարկուտից Վարդենիս համայնքը մեծ վնասներ է կրել: Այս մասին տեղեկացնում է Վարդենիսի համայնքապետարանը:

«Մասնավորապես տուժել է տնամերձ հողատարածքներում մշակված 230 հա կարտոֆիլի, 56 հա բանջարաբոստանային կուլտուրաների՝ ներառյալ 2 հա սոխի, 25 հա կաղամբի, 4 հա վարունգի, 3 հա լոլիկի, 2 հա տաքդեղի, 5 հա գազարի, 4 հա լոբու, 3 հա ճակնդեղի և 4 հա այլ բանջարեղենային բույսերի բերքը:

Մեծապես տուժել է նաև գյուղնշանակության՝ 90 հա ցորենի, 67 հա գարու, 94 հա կարտոֆիլի, ինչպես նաև պտղատու այգիների՝ 54 հա խնձորի և 45 հա տանձի բերքը:

Վնասվել են նաև ջերմոցներ, ջրատաքացուցիչներ, կտուրներ:

Տեղեկացնում ենք, որ համապատասխան գերատեսչություններն արդեն իրազեկվել են կրած վնասների չափի վերաբերյալ»: