կարևոր
2569 դիտում, 1 ամիս առաջ - 2021-08-16 12:09

Թշնամին կրակել է նաև Երասխում, ունենք զոհ

Թշնամին կրակել է նաև Երասխում, ունենք զոհ

Օգոստոսի 16-ի թշնամին սադրանքի է դիմել նաև հայ-ադրբեջանական սահմանի նախիջևանյան ուղղությամբ, Երասխի հատվածում: Այս մասին տեղեկացնում է ՀՀ ՊՆ-ն:

Մասնավորապես, ժամը 09:50-ի սահմաններում, թշնամու դիպուկահարի արձակած կրակոցից զոհվել է ՀՀ ԶՈւ N զորամասի զինծառայող, 1975թ. ծնված, ավագ ենթասպա Վահան Դիմիկի Թաթոսյանը,ով Արմավիրի մարզի Ջրառատ գյուղից էր:

Հայաստանի Հանրապետության պաշտպանության նախարարությունը կիսում է կորստյան ծանր վիշտը և զորակցություն հայտնում զոհված զինծառայողի ընտանիքի անդամներին, հարազատներին և ծառայակիցներին:

Հայկական կողմի ձեռնարկած պատասխան գործողությունների արդյունքում թշնամին կորուստներ է կրել: