կարևոր
523 դիտում, 1 ամիս առաջ - 2021-08-14 14:15

Կրթական նոր հնարավորություն` Շիրակի, Լոռու և Կոտայքի մարզերի 1500 աշակերտի և 150 ուսուցչի համար

Կրթական նոր հնարավորություն` Շիրակի, Լոռու և Կոտայքի մարզերի 1500 աշակերտի և 150 ուսուցչի համար

«Այբ» կրթական հիմնադրամը «Քան» ակադեմիայի հարթակի միջոցով ապահովելու է հայալեզու բարձրորակ անվճար կրթության հասանելիություն Շիրակի, Լոռու և Կոտայքի մարզերի միջին և ավագ դպրոցների շուրջ 1500 աշակերտի, բնագիտական առարկաների ու մաթեմատիկայի 150 ուսուցչի համար: Այս մասին տեղեկացնում է ՀՀ ԿԳՄՍ-ն:

ԵՄ ֆինանսավորմամբ իրականացվող այս ծրագրի շրջանակում Շիրակի, Լոռու և Կոտայքի մարզերի գիտության և մաթեմատիկայի ոլորտի առարկաների ուսուցիչների համար կանցկացվեն վերապատրաստման դասընթացներ և աշխատարաններ, իսկ աշակերտների շրջանում խրախուսվելու է առցանց հարթակների օգտագործումը՝ որպես կրթության լրացուցիչ միջոց։ 

Ծրագիրը նախատեսում է ապահովել նաև ուսուցիչներին շարունակական մենթորությամբ և օժանդակությամբ. 

Ակադեմիայի ուսուցիչների համայնքի ակտիվ անդամների մասնակցությամբ վեբինարների միջոցով տեղի կունենա փորձի փոխանակում և ծրագրում ընդգրկված մարզերի ուսուցիչների ներգրավում: