կարևոր
835 դիտում, 1 ամիս առաջ - 2021-08-13 13:27

4-րդ տուրում Հայաստանը ներկայացնող շախմատիստուհիներից 4-ը հաղթանակ տարան

4-րդ տուրում Հայաստանը ներկայացնող շախմատիստուհիներից 4-ը հաղթանակ տարան

Շարունակվում է Եվրոպայի կանանց անհատական առաջնությունը, կայացան 4-րդ տուրի մրցախաղերը:

Հիշեցնենք, որ այս մրցաշարում Հայաստանը ներկայացնում են 7 շախմատիստուհի։

Էլինա Դանիելյանը 4-րդ տուրում ոչ-ոքի ավարտեց մրցախաղը ադրբեջանցի շախմատիստուհու հետ: Այս պասին Դանիելյանն իր ակտիվում ունի 3,5 միավոր և կես միավորով զիջում է մրցաշարի առաջատար Իրինա Բուլմագային։

Իր հերթին Աննա Սարգսյանը հաղթելով մրցակցին՝ միավորներով հավասարվեց Էլինա Դանիելյանին: Սարգսյանն իր ակտիվում ևս ունի 3,5 միավոր։

Հաղթանակներ տարան նաև Մարիա Գևորգյանը (3 միավոր), Սուսաննա Գաբոյանը (2,5 միավոր),  և Լիլիթ Մկրտչյանը (2,5 միավոր), իսկ Սիրանուշ Ղուկասյանը ոչ-ոքի գրանցեց, ով նույնպես իր ակտիվում ունի 2,5 միավոր։

Այս տուրում մեր շախմատիստուհիներից պարտություն կրեց Մարիամ Մկրտչյանը (1 միավոր):

Եվրոպայի կանանց անհատական առաջնությունը անցկացվում է Ռումինիայի Յասի քաղաքում , որին մասնակցում են 29 երկրի 117 շախմատիստուհի։