կարևոր
514 դիտում, 1 ամիս առաջ - 2021-08-12 19:54

«Թիկունքը՝ մշակույթ, սահմանը՝ կենտրոն». «Ֆրեսկո» փառատոնը կմեկնարկի Տավուշի Բերդավան համայնքից

«Թիկունքը՝ մշակույթ, սահմանը՝ կենտրոն». «Ֆրեսկո» փառատոնը կմեկնարկի Տավուշի Բերդավան համայնքից

ՀՀ կրթության, գիտության, մշակույթի և սպորտի նախարարության աջակցությամբ օգոստոսի 14-29-ը Հայաստանում կանցկացվի «Ֆրեսկո» արդի արվեստի և հոգևոր ֆիլմերի 8-րդ միջազգային փառատոնը, որի նպատակն է հոգևոր և մշակութային երկխոսության միջոցով նպաստել մարդասիրական արժեքների տարածմանը: Այս մասին տեղեկացնում է ՀՀ ԿԳՄՍ-ն։

«Փառատոնն իրականացվում է Մայր Աթոռ Սուրբ Էջմիածնի օրհնությամբ և օժանդակությամբ:

«Թիկունքը՝ մշակույթ, սահմանը՝ կենտրոն» խորագրի շրջանակում փառատոնի մեկնարկը կտրվի Տավուշի մարզի Բերդավան գյուղում՝ Թաթուլ Ալթունյանի անվան Հայաստանի երգի-պարի պետական համույթի համերգային ծրագրով:

Տեղեկացնենք, որ այս տարի փառատոնը ստացել է ավելի քան  4000 հայտ՝  120 երկրից,  մրցութային  ծրագիր  է  անցել  83  ֆիլմ՝  43 երկրից:  Նախատեսվում է հյուրընկալել միջազգային անվանի կինոգործիչների, արվետագետների, որոնք մեծ ներդրում ունեն  հասարակական  և մշակութային  կյանքում:  Այս տարի փառատոնը մշակել է լայնամասշտաբ բացօթյա համերգների շարք՝ «#FrescoLive.» խորագրով:

Մանրամասները՝ այստեղ։