կարևոր
355 դիտում, 1 ամիս առաջ - 2021-08-12 21:18

«Չելսին» Եվրոպայի կրկնակի սուպերգավաթակիր

«Չելսին» Եվրոպայի կրկնակի սուպերգավաթակիր

ՈւԵՖԱ-ի Սուպերգավաթի խաղում մրցեցին Չեմպիոնների լիգայի գավաթակիր Լոնդոնի «Չելսին» ու Եվրոպայի լիգայի հաղթող իսպանական «Վիլյառեալը»:

Հյուսիսային Իռլանդիայի մայրաքաղաք Բելֆաստի «Վինձոր Պարկ» ստադիոնում տեղի ունեցած խաղում առավելության հասավ գերմանացի Թոմաս Տուխելի գլխավորած թիմը հետխաղային 11 մետրանոցներով՝ 6։5։ Հիմնական ժամանակն ավարտվեց 1։1 հաշվով։

«Չելսիի» գոլը 27-րդ րոպեին գերմանացի  կիսապաշտպան Կայ Հավերցի փոխանցումից հետո խփեց կիսապաշտպան Հակիմ Զիեշը (Մարոկկո)։

Լրացուցիչ ժամանակում դարպասի գրավում չգրանցվեց։

11 մետրանոցներն ավելի հաջող իրացրին անգլիական ակումբի ֆուտբոլիստները՝ 6։5։

«Չելսին» երկրորդ անգամ նվաճեց Եվրոպայի սուպերգավաթը։ Առաջին անգամ նվաճել է 1998 թվականին։ Դրանից հետո չորս անգամ հանդես էր եկել Սուպերգավաթի խաղում, սակայն պարտվել։

Եվրոպայի Սուպերգավաթ

«Չելսի» (Անգլիա) - «Վիլյառեալ» (Իսպանիա)՝ 1։1(հիմնական ժամանակ՝ 1։1), 11մ՝ 6։5

Հակիմ Զիեշ, 27 - Ժերար Մորենո, 73