կարևոր
376 դիտում, 1 ամիս առաջ - 2021-08-12 17:17

Կառավարության վարած քաղաքականությունը հակասոցիալական է. ինչպես թույլ չտալ, որ աղքատություն առաջանա, այլ ոչ թե՝ ինչքան փող տանք, որ աղքատը սովամահ չլինի․ Արթուր Խաչատրյան

Ես ինքս ձախակողմյան քաղաքատնտեսական գաղափարների կրող եմ, դրա համար այս հարցը կարևոր է, և ինձ համար սոցիալական քաղաքականությունը զուտ տրանսֆերտները չեն։ Ավելի խորքային պետք է այս հարցերին նայենք։ Ինչպես թույլ չտալ, որ աղքատություն առաջանա, այլ ոչ թե ինչքան փող տանք, օրինակ, որ աղքատը սովամահ չլինի։ Այս մասին իր ելույթում ասաց «Հայաստան» խմբակցության պատգամավոր Արթուր Խաչատրյանը:

«Այն սոցիալ-տնտեսական քաղաքականությունը, որը վարում է կառավարությունը, ես համարում եմ հակասոցիալական: Ոչ թե թոշակ տալու գումարն է փոխվել, այլ քաղաքական տարբեր ուղղություններով, տնտեսական, ֆինանսական ինչ ուղղություններ է որդեգրում։

Ես կողմ չեմ այն քաղաքականությանը, թե ինչքան փող տանք թոշակառուին կամ նպաստառուին, որ սովամահ չլինի, այլ՝ ոնց անենք, որ նպաստ ստանալու կարիք չունենա»,-ասաց նա:

Արթուր Խաչատրյանն անդրադարձավ նաև պարգևավճարների համակարգին՝ ասելով, որ իշխանությունը աղճատում է պարգևավճարների ինստիտուտը:

«Պարգևավճարը մարդուն պարգևի համար են տալիս կամ վաստակի, եթե պարգևը կա, համաձայն եմ, բայց մի կապեք սայլը ձիու առաջ։ Եթե ասեք, որ պատգամավորը կամ որևէ պետական պաշտոնյան հասնում է իր առաջ դրված նպատակին ու տալիս եք պարգևավճար, դրանում տրամաբանություն կա, բայց բոլորին հավասար պարգևավճար տալով բուն պարգևավճարն եք աղճատում․․․»։

Ամբողջական ելույթը՝ տեսանյութում։