կարևոր
130 դիտում, 1 ամիս առաջ - 2021-08-12 11:29

Դատարանի վճիռը կատարելով՝ Կառավարությունը ՍԴ նախկին դատավոր Ալվինա Գյուլումյանին 16,9 միլիոն դրամ կփոխհատուցի

Դատարանի վճիռը կատարելով՝ Կառավարությունը ՍԴ նախկին դատավոր Ալվինա Գյուլումյանին 16,9 միլիոն դրամ կփոխհատուցի

Հայաստանի կառավարության պահուստային ֆոնդից 16,9 միլիոն դրամ կփոխանցվի Սահմանադրական դատարանի աշխատակազմին ՍԴ նախկին դատավոր Ալվինա Գյուլումյանին չվճարված հավելավճարի գումարը փոխհատուցելու նպատակով: Որոշումն ընդունվեց այսօրվա Կառավարության նիստում: 

Սա ուղիղ կատարումն է ՀՀ վճռաբեկ դատարանի 2021թ. հունիսի 11-ին որոշման կատարման, որով դատարանը պարտավորեցրել է  ՀՀ ֆինանսների, ՀՀ աշխատանքի և սոցիալական հարցերի նախարարություներին ՀՀ սահմանադրական դատարանի աշխատակազմի ղեկավարին Ալվինա Գյուլումյանին 09.04.2018 թվականից լրացուցիչ վճարել հավելավճար՝ ամսական 840.047 ՀՀ դրամի և արդեն իսկ վճարված հավելավճարի տարբերության, այն է՝ 601.943 ՀՀ դրամի չափով:։

Կառավարությունը պարտավորվել է Ալվինա Գյուլումյանին 09.04.2018 թվականից մինչև 26.06.2020 թվականն ընկած ժամանակահատվածի համար լրացուցիչ վճարել հավելավճար՝ 16.9 մլն դրամ:

Հիշեցնենք՝ 2020 թվականին փոփոխությունների արդյունքում դադարեցված համարվեցին ՍԴ դատավորներ Ալվինա Գյուլումյանը, Հրանտ Նազարյանը և Ֆելիքս Թոխյանն լիազորությունները: