կարևոր
466 դիտում, 1 ամիս առաջ - 2021-08-12 11:07

Մարդու իրավունքների պաշտպանության և հանրային հարցերի հանձնաժողովի նախագահի պաշտոնում առաջադրվեց Թագուհի Թովմասյանի թեկնածությունը

Մարդու իրավունքների պաշտպանության և հանրային հարցերի հանձնաժողովի նախագահի պաշտոնում առաջադրվեց Թագուհի Թովմասյանի թեկնածությունը

ԱԺ-ն շարունակում է մշտական հանձնաժողովների նախագահների թեկնածության հարցի քննարկումը։

Մարդու իրավունքների պաշտպանության և հանրային հարցերի հանձնաժողովի նախագահի պաշտոնում առաջադրվեց «Պատիվ ունեմ» խմբակցության պատգամավոր Թագուհի Թովմասյանի թեկնածությունը:

«Պատիվ ունեմ» խմբակցության ղեկավար Արթուր Վանեցյանը շնորհակալություն հայտնեց, որ չնայած Դոնթի բանաձևով այդ հանձնաժողովի նախագահի պաշտոնն անցնում էր «Հայաստան» խմբակցությանը, բայց վերջինս առաջադրեց «Պատիվ ունեմ» խմբակցության պատգամավորի թեկնածությունը:

Ներկայացնելով Թագուհի Թովմասյանի կենսագրությունը՝ Վանեցյանը նշեց, որ նախկին գումարման ԱԺ-ում թեկնածուն եղել է Մարդու իրավունքների պաշտպանության և հանրային հարցերի հանձնաժողովի անդամ:

Թովմասյանն էլ իր խոսքում շեշտեց, որ իշխանությունների, պետական մարմինների գործունեությունը պետք է բխի մարդու իրավունքների պաշտպանությունից, ոչ թե միտված լինի այդ իրավունքները սահմանափակելուն։

«Ինչո՞ւ եմ այսպես ասում, քանի որ շատ դեպքերում և շատ ժամանակներում օրենսդրական գործունեության իրականացումը ուղղված է եղել ո՛չ այնքան մարդու իրավունքների պաշտպանությանը. դա եղել է շղարշ։ Իրական նպատակն է եղել պետական իշխանության մարմինների գործունեության դյուրինացման ճանապարհով գնալը, մինչդեռ պիտի լինի ճիշտ հակառակը», - ասաց նա։