205 դիտում, 1 ամիս առաջ - 2021-08-11 17:23

Լիոնել Մեսսին պաշտոնապես ներկայացվեց ՊՍԺ-ի ֆուտբոլիստ․ կխաղա 30 համարի մարզաշապիկով

Լիոնել Մեսսին պաշտոնապես ներկայացվեց որպես ՊՍԺ-ի խաղացող։ 34-ամյա արգենտինացին փարիզյան ակումբի նախագահ Նասեր Ալ-Հելայֆիի հետ կարճ ասուլիս է տվել «Պարկ դե Պրենս» մարզադաշտում։

Արգենտինացին կխաղա 30 համարի մարզաշապիկով:

«Սա դեռ երկար ճանապարհի սկիզբն է: Աշխատանքը սկսվում է, և դա հեշտ չի լինի: Իմ կողքին մի խաղացող է, ով շատ գավաթներ է նվաճել և նույնիսկ ավելի շատ կհաղթի մեր ակումբի կազմում: Մենք հիանալի կազմ ու մարզիչ ունենք»,-ասել է Ալ-Հելաիֆին:

Մեսսին ասել է, որ ցանկանում է հաղթել Չեմպիոնների լիգան ՊՍԺ-ի հետ:

«Կարծում եմ, որ թիմն արդեն ունի անհրաժեշտ մակարդակը, թիմը պատրաստ է հաղթել: Նոր տրանսֆերներ կան, բայց ՊՍԺ-ն արդեն շատ մոտ է եղել հաղթանակին: Թիմը պատրաստ է: Ես եկել եմ պարզապես օգնելու համար, և ցույց կտամ իմ առավելագույնը: Իմ նպատակն ու երազանքն է կրկին հաղթել Չեմպիոնների լիգան: Կարծում եմ, որ ՊՍԺ-ն ամենալավ տեղն է դա իրագործելու համար»: