կարևոր
625 դիտում, 1 ամիս առաջ - 2021-08-11 10:46

Հայկական կողմի գերիները պահվում են ապօրինի` քաղաքական նպատակներով. գերիների նկատմամբ բոլոր դատավարություններն արհեստական են. ՀՀ ՄԻՊ

Հայկական կողմի գերիները պահվում են ապօրինի` քաղաքական նպատակներով. գերիների նկատմամբ բոլոր դատավարություններն արհեստական են. ՀՀ ՄԻՊ

Երեկ ԱՄՆ Կոլումբիայի համալսարանի մարդու իրավունքների ուսումնասիրության ինստիտուտի կազմակերպած քննարկմանը Մարդու իրավունքների պաշտպան Արման Թաթոյանը ներկայացրել է օբյեկտիվ ապացույցներ, որոնք հաստատում են, որ հայկական կողմի գերիները պահվում են ապօրինի` քաղաքական նպատակներով և որ գերիների նկատմամբ բոլոր դատավարությունները արհեստական են։ Այս մասին տեղեկացնում են ՀՀ ՄԻՊ-ից։

«Ապացույցների թվում է Ադրբեջանի նախագահի ու Թուրքիայի 1-ին տիկնոջ միջև տեսաձայնագրված խոդակցությունը, որտեղ խոսվում է գերիներին հատուկ պահելու և մաս-մաս վերադարձնելու մասին:

Քննարկումը կազմակերպել էր ԱՄՆ Կոլումբիայի համալսարանի մարդու իրավունքների ուսումնասիրության ինստիտուտի խաղաղության ամրապնդման և իրավունքների ծրագրի տնօրեն Դեյվիդ Լ. Ֆիլիպսը: Քննարկման մասնակիցների թվում էր նաև Իրավունքի դպրոցների ամերիկյան ասոցիացիայի մարդու իրավունքների միջազգային բաժնի ընտրված ղեկավար, իրավունքի պրոֆեսոր Թոմաս Մ. Մակդոնելը»: