կարևոր
685 դիտում, 1 ամիս առաջ - 2021-08-06 20:28

ԱԺ-ում կգործի 12 մշտական հանձնաժողով. Արցախի հարցերով հանձնաժողովի ստեղծումը մերժվեց. ՏԵՍԱՆՅՈւԹ

Նորընտիր խորհրդարանն այսօր, ի վերջո, 64 կողմ եւ 2 անվավեր քվեաթերթիկի առկայությամբ փակ գաղտնի քվեարկությամբ «Հայաստան» խմբակցության անդամ Իշխան Սաղաթելյանին ընտրել է Ազգային Ժողովի փոխնախագահի պաշտոնում:

Հիշեցնենք, որ այդ պաշտոնն ընդդիմությանը տրված է Սահմանադրության պահանջով: Իշխան Սաղաթելյանի թեկնածությունը թեեւ առաջադրել էր «Հայաստան» դաշինքը, նա ընդդիմության միասնական թեկնածուն էր:

Խորհրդարանի այսօրվա նիստում էլ քննարկվել է մշտական հանձնաժողովների ձեւավորման հարցը: Դրանք 12-ն են լինելու՝ եթե նախորդ խորհրդարանում առողջապահության եւ սոցիալական հարցերի ոլորտները մեկ հանձնաժողով էր համակարգում, ապա այժմ այդ ոլորտներից յուրաքանչյուրն առանձին հանձնաժողով է ունենալու:

Ընդդիմությունը պնդել է նաեւ Արցախի հարցերով առանձին հանձնաժողովի ստեղծման անհրաժեշտությունը:

Մանրամասները՝ Հայկ Սահակյանի տեսանյութում: