Փաշինյանին սպասարկող կառավարական ինքնաթիռի ներկման համար ծախսվել է շուրջ 72 հազար հինգ հարյուր եվրո. hetq.am

ՀՀ կառավարական ինքնաթիռը 2020 թ. օգոստոսի 5-ին Օստրավայի օդանավակայանում դեռեւս հին տեսքով էր, իսկ արդեն ամսի 15-ին՝ նոր գունավորմամբ։ «Հետքի» տրամադրության տակ է հայտնվել ինֆորմացիա այն մասին, թե մոտավորապես որքան են արժեցել ՀՀ կառավարական ինքնաթիռը ներկելու աշխատանքները:

Եթե նախկինում դրա վրա մի կողմից գրված էր «Հայաստան», մյուսից՝ «Armenia», ապա հիմա՝ «Հայաստանի Հանրապետություն» եւ «Republic of Armenia»։ Պոչամասի (ուղղահայաց կայունարարի) վրա եղած նախկին փոքր եռագույնը փոխարինվել է մեծ դրոշով։ ՀՀ եռագույնը պատկերվել է նաեւ շարժիչների վրա։

Այսպիսով՝ կարող ենք արձանագրել, որ կառավարական բորտի ներկման համար ծախսվել է 63.500-72.500 եվրո՝ գումարած եւս մի քանի հազար եվրո՝ տեղում (Չեխիայում) հավելյալ ծառայությունների համար։