կարևոր
211 դիտում, 1 ամիս առաջ - 2021-08-05 18:51

Տոկիո-2020․ Ֆուտբոլի կանանց մրցաշարում բրոնզե մեդալակիր դարձավ ԱՄՆ-ի հավաքականը

Տոկիո-2020․ Ֆուտբոլի կանանց մրցաշարում բրոնզե մեդալակիր դարձավ ԱՄՆ-ի հավաքականը

Ճապոնիայի մայրաքաղաք Տոկիոյում շարունակվող 32-րդ ամառային Օլիմպիական խաղերի ֆուտբոլի կանանց մրցաշարում բրոնզե մեդալակիր է դարձել ԱՄՆ-ի հավաքականը:

Երրորդ տեղի համար խաղում ամերիկուհիները 4:3 հաշվով հաղթել են Ավստրալիայի հավաքականին: ԱՄՆ-ի հավաքականի կազմում դուբլի հեղինակ են դարձել Մեգան Ռապինոն ու Կարլի Լլոյդը: Ռապինոն գոլերից մեկը խփել է անկյունայինից կատարած հարվածով:

Օգոստոսի 6-ին կայանալիք եզրափակչում կմրցեն Շվեդիայի և Կանադայի հավաքականները:

Հիշեցնենք, որ ֆուտբոլի կանանց ԱՄՆ-ի հավաքականը քառակի օլիմպիական չեմպիոն է: Թիմն առաջին անգամ բրոնզե մեդալ նվաճեց Օլիմպիական խաղերում: