կարևոր
178 դիտում, 1 ամիս առաջ - 2021-08-05 17:34

Անվավեր քվեաթերթիկներում նշված են եղել «կողմ եմ/դեմ եմ» միաժամանակ․ իշխանության կողմից դեմարշ է եղել. Արամ Վարդևանյան

Իշխան Սաղաթելյանի՝ ԱԺ փոխնախագահ ընտրվելու առաջին քվեարկության ժամանակ, պարզվում է, միակ անվավեր քվեաթերթիկում նշված է եղել՝  կողմ եմ/դեմ եմ միաժամանակ: Ավելին՝ նույն ընդդիմադիր թեկնածուի ընտրության երկրորդ քվարկությանն էլ այս պարադոքսը կրկնվել է, այսինքն՝ 5 անվավեր քվեաթերթիկներում պատգամավորները հատուկ պլանավորված քվեարկած են եղել՝ կողմ եմ/դեմ եմ միաժամանակ:

Այս մասին ԱԺ ամբիոնից հայտնեց «Հայաստան» խմբակցության անդամ Արամ Վարդևանյանը՝ համոզմունք հայտնելով, որ սա եղել է իշխանության կազմակերպված դեմարշը, որպեսզի «Հայաստան» դաշինքը քվե խնդրի իրենցից: «Բայց մենք ձեզնից քվե չենք խնդրելու, մի բան միայն կարող էինք խնդրել՝ որ նոյեմբերի 9-ի թուղթը չստորագրեիք։ Կամ Արայիկ Հարությունյան անունով նախագահ կա Արցախում, Շուշիի ընկնելու մասին ինչ-որ բաներ է պատմում, կխնդրեինք, որ Շուշիի գրավման հանգամանքները բացահայտեիք»,-ասաց Վարդևանյանը՝ դիմելով իշխանական թևին:

 Ամբողջական ելույթը՝ տեսանյութում։