211 դիտում, 1 ամիս առաջ - 2021-08-04 09:32

Տոկիո-2020․ Արսեն Հարությունյանը պարտվեց մեկնարկում

Տոկիո-2020․ Արսեն Հարությունյանը պարտվեց մեկնարկում

Ազատ ոճի ըմբիշ, 57 կգ քաշային Արսեն Հարությունյանը պարտություն կրեց Տոկիոյում ընթացող ամառային Օլիմպիական խաղերի մեկնարկում։

Հայ ըմբիշը 1/8 եզրափակչում մրցեց Մոնղոլիայի ներկայացուցիչ, աշխարհի առաջնությունների կրկնակի բրոնզե մեդալակիր, 2018 թվականի Ասիական խաղերի չեմպիոն Բեհբայար Էրդենեբատի հետ և 1-6 հաշվով պարտություն կրեց՝ չկարողանալով դուրս գալ հաջորդ փուլ։

Եթե Բեհբայարը դուրս գա եզրափակիչ, Հարությունյանը սփոփիչ գոտեմարտ անցկացնելու և Օլիմպիական բրոնզե մեդալի համար պայքարելու հնարավորություն կստանա։

Օգոստոսի 6-ին Հայաստանի օլիմպիական թիմի վերջին մեկնարկը կլինի: 65 կգ քաշային կարգում 1/8 եզրափակիչից սկսած մեդալների համար կպայքարի ազատ ոճի ըմբիշ Վազգեն Թևանյանը: Եզրափակիչը կկայանա օգոստոսի 7-ին: