կարևոր
298 դիտում, 1 ամիս առաջ - 2021-08-03 19:45

Մխիթար Զաքարյանին կալանավորելու որոշման դեմ բողոքի վերաբերյալ որոշումը կհրապարակվի վաղը

Մխիթար Զաքարյանին կալանավորելու որոշման դեմ բողոքի վերաբերյալ որոշումը կհրապարակվի վաղը

Մեղրիի նախկին համայնքապետ, ԱԺ «Հայաստան» խմբակցության պատգամավոր Մխիթար Զաքարյանի նկատմամբ կալանավորումը որպես խափանման միջոց ընտրելու որոշման դեմ բողոքի քննությունն ավարտվել է։ Վերաքննիչ քրեական դատարանը՝ դատավոր Ռուզաննա Բարսեղյանի նախագահությամբ, հեռացել է խորհրդակցական սենյակ՝ Զաքարյանի խափանման միջոցի վերաբերյալ որոշում կայացնելու։

Դատարանի որոշումը կհրապարակվի վաղը՝ ժամը 12։00-ին։

Հիշեցնենք, որ արտահերթ խորհրդարանական ընտրությունների ավարտից հետո Մեղրիի նախկին համայնքապետ Մխիթար Զաքարյանին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասով և 314-րդ հոդվածի 1-ին մասով՝ պաշտոնեական լիազորությունները չարաշահելու և պաշտոնատար անձի կարգավիճակ ձեռք բերելուն կամ պահպանելուն խոչընդոտող` իր՝ այլ պետության քաղաքացիություն ունենալու կամ ունեցած լինելու մասին տեղեկությունը սահմանված կարգով իրավասու մարմնին չհայտնելու կամ նման տեղեկությունը թաքցնելու հատկանիշներով։ Վարույթն իրականացնող մարմինը միջնորդություն է ներկայացրել դատարան՝ Զաքարյանի նկատմամբ կալանավորումը որպես խափանման միջոց ընտրելու մասին, ինը բավարարվել է։ Պաշտպանը վերաքննիչ բողոք է ներկայացրել Զաքարյանին կալանավորելու դատարանի որոշման դեմ։