կարևոր
1000 դիտում, 1 ամիս առաջ - 2021-08-03 16:15

Կենսագրականից «Դեմ եմ» շարժման մասնակից լինելը ինչո՞ւ եք հանել. դեմ էիք, բայց պարտադիր դարձրիք կուտակային կենսաթոշակային համակարգը․ Գեղամ Մանուկյան

«Հայաստան» խմբակցության պատգամավոր Գեղամ Մանուկյանը ԱԺ փոխնախագահի թեկնածու Հակոբ Արշակյանից հետաքրքրվեց, թե ինչո՞ւ իր կենսագրականը կարդալիս չի շեշտվել, որ Արշակյանը եղել է «Դեմ եմ» պարտադիր կուտակային կենսաթոշակային համակարգի ներդրմանը քաղաքացիական շարժման համակարգող խորհրդի անդամ։

«Ուզում եմ հասկանալ՝ չե՞ք ցանկացել հիշատակել այդ շարժման համակարգող խորհրդի անդամ լինելու հանգամանքը, որովհետև հակառակ 2013-2014 թվականներին Ձեր քաղաքական դիրքորոշմանը այդ հարցով, ՔՊ-ի անդամ լինելով, կառավարության անդամ լինելուց որևէ կերպ հրապարակային չեք խոսել, որ արդեն իշխանությունը շարունակում է նախորդ տարիների կառավարության գիծը և պարտադիր կուտակային կենսաթոշակային համակարգը  դարձրեց ամբողջովին պարտադիր Հայաստանի ամբողջ տարածքով»,- ասաց Մանուկյանը։

Այնուհետև, Մանուկյանը դիմելով բոլոր «Դեմ եմ» շարժման անդամներին, ասաց․ «Ձեր պայքարի գործընկերը այստեղ փոխում է պայքարի գաղափարախոսությունը, որ չպետք է լինի պարտադիր, ձևափոխել թե իշխանություններից է կախված դա կարող պարտադիր լինել, թե չէ»։

Հակոբ Արշակյանն էլ երկար արդարանալով՝ վերջում ամփոփեց՝ այն ժամանակ ես դեմ եմ եղել պարտադիր համակարգին, իսկ հիմա դեմ չեմ։

Մանրամասն՝ տեսանյութում։