կարևոր
274 դիտում, 1 ամիս առաջ - 2021-08-03 10:09

Նորընտիր ԱԺ-ն շարունակում է աշխատանքը. ՈւՂԻՂ

Նորընտիր ԱԺ-ն շարունակում է աշխատանքը. ՈւՂԻՂ

Հայաստանի նորընտիր Ազգային ժողովն այսօր՝ օգոստոսի 3-ին, շարունակում է իր աշխատանքը:

Հիշեցնենք, որ երեկ 8-րդ գումարման Ազգային ժողովի առաջին օրն էր, որի ընթացքում ԱԺ նախագահ ընտրվեց իշխող ՔՊ թեկնածու Ալեն Սիմոնյանը:

Ընդդիմադիր երկու խմբակցությունները՝ «Հայաստան» եւ «Պատիվ ունեմ» դաշինքները չմասնակցեցին քվեարկությանը:

ԱԺ անդրանիկ նստաշրջանի օրակարգում 7 հարց է, որի 5-ը դեռ չեն քննարկվել: Դրանք են՝

  • Ազգային ժողովի նախագահի երեք տեղակալների ընտրություններ
  • Հայաստանի Հանրապետության ութերորդ գումարման Ազգային ժողովի մշտական հանձնաժողովներ ստեղծելու մասին
  • Մշտական հանձնաժողովների նախագահների ընտրություններ
  • Կառավարության առաջարկությամբ՝ Կառավարության կառուցվածքի փոփոխության վերաբերյալ օրենքի նախագծի քննարկում
  • Կառավարության ծրագրին հավանություն տալու հարց:

Նշենք, որ «Քաղաքացիական պայմանագիրն» առաջարկում է, որ ԱԺ-ն ունենա 12 մշտական հանձնաժողով, ներկայիս 11-ի փոխարեն: Առաջարկվում է առանձնացնել առողջապահության եւ սոցիալական հարցերի հանձնաժողովները:

Իսկ ահա «Պատիվ ունեմ» եւ «Հայաստան» խմբակցությունները նախագիծ են ներկայացրել, որով առաջարկում է ստեղծել Արցախի հարցերով մշտական հանձնաժողով: