կարևոր
775 դիտում, 1 ամիս առաջ - 2021-07-30 22:28

Վերին Շորժա գյուղի սարատեղի այս մարտական դիրքից են նաև ադրբեջանական կրակոցներ արձակվում․ ՀՀ ՄԻՊ

Վերին Շորժա գյուղի սարատեղի այս մարտական դիրքից են նաև ադրբեջանական կրակոցներ արձակվում․ ՀՀ ՄԻՊ

Սա ՀՀ Գեղարքունիքի մարզի Վերին Շորժա գյուղի սարատեղի կոչվող քաղաքացիական բնակավայրն է, իսկ այս նկարում բնակիչներից մեկի տունն է, ապրում են նաև ընտանիքով և անասնագոմը: Մարդկանց անմիջապես վերևում ադրբեջանական մարտական դիրքն է: Այս մասին գրել է ՀՀ ՄԻՊ Արման Թաթոյանը և կից հրապարակել լուսանկար։

«Այս նկարից ակնհայտ երևում է, որ մարդիկ ադրբեջանական ուղիղ նշանառության տակ են: Այս իրավիճակները հատկապես նկատի ունեմ, երբ ասում եմ, որ նրանց զինված ուժերի ներկայությունն ինքնին կյանքի իրավունքի խախտում է (իհարկե, մյուս իրավունքների հետ միասին):

Երեկ մենք հենց այս կոնկրետ հատվածում էինք, երբ արձակվեցին ադրբեջանական կրակոցները:

Ընդ որում, այս մարտական դիրքից են նաև ադրբեջանական կրակոցներ արձակվում և հուլիսի 23-ին հրահրած կրակոցներով էին սպանել բնակիչներից մեկի խոշոր եղջերավոր կենդանուն»: